Казан мәктәбендә атышта зыян күргән тагын бер бала хастаханәдән чыккан
(Казан, 12 май, «Татар-информ», Эвелина Киселева). Татарстанның Республика балалар клиник хастаханәсеннән 175нче мәктәптә зыян күргән 14 яшьлек малайны чыгардылар.
«2006 елгы малай баш мие селкенү һәм бит җәрәхәтләре белән хастаханәгә озатыла. Бүген кич ул яшәү урыны буенча стационарда табиблар күзәтүенә чыгарылган», — диделәр Татарстан Сәламәтлек саклау министрлыгында.
Хәзер медицина учреждениесендә 14 бала кала. Табиблар аларның хәлен тотрыклы, дип бәяли.
Элегрәк «Татар-информ» мәгълүмат агентлыгы хәбәр иткәнчә, кичә кич килгән ике баланы чыгарганнар. Исегезгә төшерәбез, 19 яшьлек яшүсмер һөҗүм иткән биш баланы Мәскәүгә дәвалануга күчергәннәр инде.