Путин Россиядә чит ил гражданнарына түләүле вакцинация өчен шартлар булдырырга кушты
(Казан, 4 июнь, «Татар-информ»). Россиядә чит ил гражданнарын коронавирустан түләүле вакцинацияләү өчен шартлар булдыралар. Бу хакта Петербург халыкара икътисади форумының пленар утырышында Россия Президенты Владимир Путин сөйләде.
Бүгенге көндә төрле илләрдән кешеләр, шул исәптән бизнесменнар һәм эре компанияләр җитәкчеләре, Covid-19 инфекциясеннән прививка ясату өчен Россиягә махсус киләләр.
Россия вакцинасының нәтиҗәлелеге 96 проценттан артык тәшкил итә, дип дәлилләнгән. Шул ук вакытта, мәгълүматларга караганда, Россия препаратын кулланудан бер генә үлем очрагы да теркәлмәгән дип искәртте Путин.