Татарстанда атна буе 35 градус эссе булачак
(Казан, 21 июнь, «Татар-информ»). Хәзерге вакытта Татарстан кояш антициклоны йогынтысында, шуңа күрә якындагы көннәрдә эссе һәм коры һава торышы булачак.
Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, иртәгә көндез һава температурасы 30-35 градуска кадәр күтәреләчәк һәм атна ахырына кадәр шул чама торачак.
Сишәмбе төнлә 15-20 градус, чәршәмбе һәм пәнҗешәмбе 16-22 градус җылы көтелә.
Чәршәмбегә кадәр явым-төшем фаразланмый, әмма атмосфера фронты якын булу сәбәпле, 23 июньнән бераз яңгыр көтелә.