Ташламалы ипотека ставкасын 9 процентка кадәр киметтеләр
Россия Премьер-министры Михаил Мишустин «Ташламалы ипотека» программасы буенча ставканы 12 проценттан 9 процентка киметте һәм аның гамәлдә булуын 2022 ел ахырына кадәр озайтты.
Кредитның максималь күләме шул ук калды: Мәскәү, Санкт-Петербург, Мәскәү һәм Ленинград өлкәләре өчен – 12 миллион, ә калган төбәкләр өчен 6 миллион. Беренчел кертем кимендә 15 процент булырга тиеш.
Президент йөкләмәсе буенча кабул ителгән карар Россиядә яшәүче гаиләләр өчен торак алу мөмкинлеген арттырырга һәм төзелеш тармагына ярдәм итәчәк дип исәплиләр Хөкүмәттә.