Мурашко: Коронавирус бездән тулысынча китмәде
Бүген коронавирус инфекциясен йоктыручылар саны кимесә дә, ул бездән тулысынча китмәде. Хәзерге вакытта Россиядә 100 меңнән артык кеше ковид белән авырый, дип белдерде РФ сәламәтлек саклау министры Михаил Мурашко. Бу хакта РИА Новости агентлыгы хәбәр итә.
«Әйе, бүген коронавирус инфекциясен йоктыручылар кимеде, әмма ул бездән тулысынча китмәде. Хәзерге вакытта 100 меңнән артык кеше авырый», - диде Мурашко.
Ул билгеләп үткәнчә, авыруның киң таралуына юл куймас өчен, җәйге каникуллар алдыннан балаларга коронавируска каршы прививка ясау аеруча мөһим.