Казанның 175нче гимназиясе янында хәтер паркы ясарга җыеналар
Казанда узган елның май аенда һөҗүмгә дучар булган 175-нче номерлы гимназия территориясендә хәтер паркы төзеләчәк. Шундый тендер дәүләт сатып алулары сайтында урнаштырылган.
Эшләрнең бәясе 7 миллион сумнан артык бәяләнә, акчалар Татарстан Республикасы бюджетыннан күчереләчәк. Татарстанның Баш инвестицион-төзелеш идарәсе заказчы булып тора.
Мемориаль парк булдырудан тыш, әлеге тендер «Светлая долина» торак комплексы янындагы паркның беренче чиратын 100 миллион сумга төзүне дә күздә тота. Конкурста катнашу өчен гаризалар 2 июньгә кадәр кабул ителә, ә подрядчы оешма 6 июньдә билгеләнәчәк.
175нче гимназиядә фаҗига 2021 елның 11 маенда булды: Казанда яшәүче 19 яшьлек егет мәктәпкә бәреп кереп, шартлаткычлар кулланды һәм бинадагы кешеләргә атты. 8а сыйныфының җиде укучысы һәм ике укытучы һөҗүм корбаны булды. 24 кеше төрле тән җәрәхәтләре алды.