Лениногорск районында «Яңа ел бизәкләре» бәйгесе игълан ителде
Лениногорск муниципаль районында «Яңа ел бизәкләре» смотр-конкурсы игълан ителде. Анда предприятие-оешмалар, мәгариф оешмалары, сәүдә нокталары, авыл җирлекләре катнаша ала
Иң яхшы бәйрәм бизәлешенә смотр-конкурс берничә номинация буенча үткәрелә. Җиңүчеләргә дипломнар һәм акчалата сертификатлар тапшырылачак. Бу хакта «Заман сулышы» сайтында хәбәр ителә.
Конкурста катнашу өчен гариза бирергә кирәк. Ул нигезләмә нигезендә 2022 елның 1 декабреннән 16 декабренә кадәр эш көннәрендә 08.00 сәгатьтән 17.00 сәгатькә кадәр Кутузов урамы, 1нче йортта (администрациядә) кабул ителә.
Белешмәләр өчен телефон: 5-13-80.