Татарстанда табиблар гриппка тестны ПЦР алымы белән ясый
Татарстанда гриппка ПЦР алымы белән тест ясыйлар. Бу хакта журналистларга сәламәтлек саклау министры Марат Садыйков сөйләде.
«Гриптта да, коронавируста да аппарат шул ук, башка реагентлар гына кулланыла», - диде министр.
Марат Садыйков сүзләренчә, ковид чоры тәҗрибәсен исәпкә алганда, лабораторияләргә зур эш күләмнәре куркыныч түгел.
Министр диагноз кую этабында коронавирусны грипптан аеру мөһимлеген искәртте, чөнки алар төрлечә дәвалана. Тын юллары белән бәйле йогышлы авырулар (ОРВИ) бертөрлерәк дәвалана, дип әйтте.
- ПЦР – йогышлы авыру китереп чыгарган вирус һәм бактерияләрне ачыклау өчен лабораториядә тикшерү ысулы.