Татарстан юлларында буран аркасында күрү мөмкинлеге кими
Татарстанда 17 декабрьдән 18 декабрьгә булган төндә һәм якшәмбе көнне һава торышы шартлары начар булыр дип көтелә. Бу хакта республиканың Гидрометеорология үзәге матбугат хезмәте хәбәр итә.
Кар, җепшек кар рәвешендәге көчле явым-төшем фаразлана, кайбер районнарда бозлы яңгыр явачак. Буран вакытында юлларда 1 000 метр ераклыктагы яки аннан да якынрак торган әйберләрне генә күреп булачак.
Көньяктан искән җилнең тизлеге секундка 22 метрга кадәр җитәчәк, Казанда – секундына 18 метрга кадәр. Моннан тыш, синоптиклар томан төшү һәм бозлавык булачагын кисәтә, юлларга кар ятачак һәм көчле бозлавык барлыкка киләчәк.
Төнлә термометр баганасы -3.. -8 градуска кадәр күтәреләчәк, көндез +3 градуска кадәр җылыта.
Татарстанның ЮХИДИ хезмәткәрләре машина йөртүчеләрне һәм җәяүлеләрне начар һава торышы шартларында сак булырга чакыра. Уңайсыз һава торышы дүшәмбе көнне дә булачак.