Путин 2023 елга тупланма пенсияне түләүнең көтелгән чорын билгеләде
Россия Президенты Владимир Путин тупланма пенсияне түләүнең көтелгән чорын раслады. Киләсе елның 1 гыйнварыннан ул 264 ай тәшкил итәчәк. Бу хакта хокукый мәгълүматның рәсми порталында чыккан законда язылган.
«Аның күләмен исәпләү өчен кулланыла торган тупланма пенсияне түләүнең көтелгән чоры 2023 елга 264 ай дәвамлылыгы белән билгеләнә», диелгән документта.