Татарстанда 1 сентябрьгә концессион килешү нигезендә өч мәктәп төзеләчәк
Татарстанда 2023 елның 1 сентябренә мәгариф объектларын финанслау, проектлау, төзү һәм эксплуатацияләү турында концессион килешү буенча өч мәктәп төзеләчәк. Әлеге документны ТР мәгариф һәм фән министры Илсур Һадиуллин һәм «ПроШкола» ҖЧҖ генераль директоры урынбасары Алексей Туликов имзалады.
500 урынга исәпләнгән мәктәп Арча районының Түбән Мәтәскә авылында төзеләчәк, 1501 урынга исәпләнгән тагын ике мәктәп Казанда Гәрәев урамында һәм Чаллының 34нче комплексында барлыкка киләчәк, диделәр ТР Мәгариф һәм фән министрлыгы матбугат хезмәтендә.
«ПроШкола» ВЭБ.РФ төркеменә керә. Төркемнең барлык бүлендек хуҗалык җәмгыятьләре Россия Хөкүмәте тарафыннан концессионерлар итеп билгеләнде, алар белән төбәкләр яки муниципаль берәмлекләр «демографик» субсидия буенча конкурс үткәрмичә генә концессион килешүләр төзи алалар.