Вячеслав Чанов: Корбан Бердыевның татар булуын исәпкә алсак, кире кайтуы бик яхшы булачак
«Рубин» футбол Клубы Корбан Бердыевны кабат тренер итеп чакырырга мөмкин дигән хәбәрләр чыкты. Казан клубының яңа җитәкчелеге Бердыевны команданың баш тренеры вазифасына чакыру мөмкинлеген тикшерә.
Шул уңайдан, euro-football.ru сайты ЦСКА клубының элеккеге капкачысы Вячеслав Чановтан бу хакта комментарий алган. Футболчы Корбан Бердыевның «Рубин» клубы баш тренеры вазифасына кире кайту мөмкинлеге турындагы фикерләре белән уртаклаша.
«Корбан Бекиевич – исеме зур хәрефләр белән язылырлык белгеч. Аның Казанда булган вакытларын һәм аның үзенең дә татар булуын исәпкә алсак, аның кире кайтуы бик яхшы булачак», - дип белдергән Чанов.
Белгеч фикеренчә, Бердыев үз дәрәҗәсен белә, шуңа күрә Рубинда ул уңышка ирешәчәк.
Шуны билгеләп үтәргә кирәк, «Сочи» хуҗасы Борис Ротенберг Бердыевны команданың яңа тренеры дип игълан итте, ләкин рәсми раслау булмады.
- Вячеслав Викторович Чанов 1951 елда Мәскәүдә туган, капкачы, тренер. Футбол буенча СССР кубогы финалисты.