Питрәчтә рәссам Резеда Йосыпованың күргәзмәсе булды
Питрәчтә рәссам Резеда Йосыпованың күргәзмәсе узды. Күргәзмәдә аның кырыктан артык эше тәкъдим ителде.
Экспозициядә бик күп кызыклы пейзаж, натюрморт, майлы буяу техникасында ясалган портретлар бар. Резеда Йосыпованың соңгы әсәрләре аеруча зур кызыксыну уята - алар милли төсмерне үз эченә алган һәм татар тарихына һәм сәнгатенә багышланган. Бу хакта «Алга» газетасы хәбәр итә.
Резеда Йосыпова - Казанның танылган рәссамы, Казан халык сәнгать һөнәрчелеге техникумы укытучысы.