Әлмәт районында чыршыларны сыерларга азык буларак кулланалар
Әлмәттә яңа ел чыршыларын җыя башлыйлар, соңыннан аларны эшкәртүгә һәм терлек азыгына җибәрәчәкләр. Әлмәт районы башлыгы Тимур Нагуманов халыкны Яңа ел чыршыларын чүп савытларына ташламаска, ә аларны киләчәктә эшкәртү өчен ишегалларында аерым җыярга өндәде.
Нарат һәм чыршы - кыйммәтле витамин чыганагы. Авыл хуҗалыгында алардан туфрак өчен ашлама ясарга яки корткычларга каршы көрәштә кулланырга мөмкин. Бу хакта «Әлмәт таңнары» хәбәр итә.
«Чыршыны өегез янындагы контейнер мәйданында калдырырга кирәк булачак. Экосервис үзәкләштерелгән рәвештә әлеге чыршыларны җыячак, ә алга таба алар эшкәртелеп, терлекләргә юл тотачак», – дип хәбәр итте Тимур Нагуманов Телеграм-каналында туры эфир вакытында.
Район башлыгы сүзләренчә, икенчел куллану экологияне сакларга мөмкинлек бирәчәк һәм җибәрелгән агачлар хайваннарга файда китерәчәк.
Тимур Нагуманов халыкны йортларны ясалма чыршы белән бизәргә өндәде.