Татарстанда коронавирус инфекциясенең тагын 56 очрагы ачыкланган
Татарстанда соңгы тәүлектә тагын 56 кеше коронавирус инфекциясе йоктырган. 24 пациент хастаханәгә китерелгән, 67 кеше савыккан.
Пандемия башланганнан бирле республикада коронавирус инфекциясенең 193 мең 954 очрагы теркәлгән. Стопкоронавирус.рф порталы мәгълүматлары шуны күрсәтә.
Тулаем алганда, Россиядә узган тәүлектә коронавирус инфекциясенең 4 мең 675 очрагы ачыкланган, 882 пациент хастаханәгә озатылган, 4 мең 541 кеше савыккан, 48 кеше вафат булган.
Искәртеп узабыз, «Татар-информ» агентлыгы Россиядә коронавирусның «кракен» дигән яңа төрен йоктыруның беренче очрагы теркәлүе хакында элегрәк хәбәр иткән иде. Шулай да, Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) мәгълүматлары буенча, илдә әле дә булса «омикрон» штаммы өстенлек итә.