Непалда һәлакәткә юлыккан самолетның барлык пассажирлары үлгән
Непал Республикасының Покхара шәһәре янында һәлакәткә очраган бортта булган барлык пассажирлар үлгән. Бу хакта ТАСС хәбәр итә.
Россиянең Непалдагы илчесе Алексей Новиков самолет бортында булган дүрт россияленең үлемен раслады. Аның сүзләренчә, илчелек Непал хакимияте белән даими элемтәдә тора һәм һәлак булганнарның туганнарына кирәкле ярдәм күрсәтәчәк.
«Татар-информ» Непалда самолет һәлакәткә очравы турында хәбәр иткән иде. ATR 72 бортында 68 пассажир һәм дүрт экипаж әгъзасы булган. Һава судносының һәлакәт вакыты видеога эләккән.