Казанда шәхси йорттагы янгында ир-ат һәм егет зыян күргән
Бүген Казанның Привольный бистәсендәге шәхси йортта янгын чыккан. Бу хакта янгын сагының 101 номерына 5.33 сәгатьтә хәбәр иттеләр.
«Татар информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, янгын сүндерүчеләр 13 минуттан килеп җитә. Янгын сүндерүчеләр тиз арада 2 кв метр мәйдандагы янгынны сүндерүгә ирешә.
Янгында 2 кеше зыян күргән – 52 яшьлек ир-ат һәм 19 яшьлек егет. Аларны сөрем газы белән агулану сәбәпле хастаханәгә алып киләләр.
Хәзер янгын сәбәпләре ачыклана.