Ташкентта СССРның халык артисты Хәким Зарипов вафат булган
Ташкентта 98 яшендә СССРның халык артисты, дрессировщик Хәким Зарипов вафат. Бу хакта Росгосцирк матбугат хезмәте хәбәр итте, дип яза «Известия».
«Ул 80 елдан артык цирк сәнгатенә багышлаган. Күренекле артист турындагы истәлек хезмәттәшләренең күңелендә мәңгегә сакланачак», - диелә хәбәрдә.
Хәким Зарипов 1924 елның 17 сентябрендә Үзбәкстанда цирк артистлары гаиләсендә туа. Ташкент консерваториясенең симфоник бүлегенең дирижерлык факультетын тәмамлый.