Соңгы тәүлектә Татарстанда тагын 65 кеше коронавирус инфекциясе йоктырган
Стопкоронавирус.рф порталы мәгълүматларыннан күренгәнчә, Татарстанда коронавирус инфекциясен йоктыручылар акрынлап кимүен дәвам итә. Соңгы тәүлектә тагын 65 кеше әлеге инфекцияне йоктырган.
21 пациент хастаханәгә озатылган. Пандемия башланганнан алып республикада коронавирус инфекциясенең 194 мең 349 очрагы ачыкланган, 191 мең 769 кеше (шуларның 60ы – узган тәүлектә) терелгән.
Шул ук вакытта, узган тәүлектә Россиядә коронавирус инфекциясенең 5 мең 447 очрагы ачыкланган, бу – узган елның 31 декабреннән бирле иң югары күрсәткеч. 893 пациент хастаханәгә озатылган, 5 мең 28 кеше савыккан.