Татарстанда озакка сузылган барлык төзелешләр прокуратура ярдәме белән төгәлләнгән
Республикада төзелеш өлешчеләренә (дольщикларга) ярдәм итә торган федераль һәм республика фондларының актив эшчәнлеге һәм прокурорларның үз вакытында чаралар күрүе нәтиҗәсендә барлык озак барган төзелешләрдә төзү эшләре төгәлләнде. Республика Прокуратурасының йомгаклау коллегиясендә Татарстан прокуроры Илдус Нәфыйков шул турыда белдерде.
Алданган барлык өлешчеләрнең торакка һәм компенсация түләүләренә хокуклары торгызылды.
«Реестрда торак булмаган 2 объект кала – парковкалар. Аларны төзү эшләре агымдагы елда тәмамланачак», – дип төгәлләштерде Татарстан прокуроры.
Эскроу счетлар кулланып төзелә торган яңа объектларны төзү прокуратураның җентекле күзәтүе астында алып барылачак.