Азнакайда Гөлшат Зәйнашеваның 95 еллыгына багышланган искә алу кичәсе булды
Азнакайның Чубар Абдул мәдәният йортында шагыйрә, популяр җырлар авторы, драматург, Татарстанның атказанган сәнгать эшлеклесе, Г.Тукай исемендәге Дәүләт премиясе лауреаты Гөлшат Зәйнашеваның 95 еллыгына багышланган искә алу кичәсе үтте.
Кичәдә Гөлшат Зәйнашеваның тормыш юлы белән таныштылар, шигырьләрен укыдылар, аның сүзләренә язылган җырларны җырладылар.Бу хакта «Маяк» сайтында хәбәр ителә.
«Гөлшат Зәйнашева шигырьләре үзе исән чагында ук кечкенә генә авыл сәхнәсендә дә, шәһәр мәдәният йортларында да яңгырый-яңгырый өйләргә күчкән, күпләрнең йөрәк түрендә урын алган. Бүгенге кичәдә без дә аның шигырьләрен, җырларын рәхәтләнеп башкардык» - диде чараны оештыручы Чубар Абдул мәдәният йорты директоры Айназ Әхмәтшина.