Синоптиклар Татарстанда томан төшү һәм бераз кар яву турында кисәтте
Дүшәмбе көнне Татарстан территориясендә аязучан болытлы һава көтелә, төнлә һәм иртән урыны белән томан булырга мөмкин. Бу хакта Татарстанның Гидрометеорология үзәге хәбәр итә.
Бераз кар ява, бозлавык була, көньяк-көнбатыш, көньяктан талгын җил көтелә.
Төнлә термометр баганалары -7..-12 градус күрсәтәчәк, урыны белән -16 градуска кадәр суыта. Көндез -3.. -8 градуска кадәр суык булыр дип фаразлана.