Башкортстанда Россия Герое Алмаз Сафин исеме мәңгеләштереләчәк
Башкортстан Башлыгы Радий Хәбиров махсус операциядә хәрби бурычын үтәгәндә һәлак булган Россия Герое, контракт хезмәте старшинасы Алмаз Сафинның исемен мәңгеләштерү турындагы карарны имзалады. Бу хакта «Башинформ» агентлыгы хәбәр итә.
Башкортстан яшьләрен хәрби хезмәткә әзерләү һәм патриотик тәрбия үзәгенә, шулай ук Алмаз Сафин туып үскән Әлшәй районы Раевка авылының 2нче мәктәбенә аның исеме биреләчәк. Белем бирү учреждениесе коллективы шундый тәкъдим белән чыкты, дип хәбәр итте агентлыкка мәктәпнең уку-укыту эшләре мөдире Роза Марченко.
Белем бирү оешмаларыннан тыш, туган авылындагы бер урамга да Россия Героеның исеме биреләчәк. Авылдагы Дан аллеясында аның бюсты урнаштырылачак.
- Башкортстан егете Алмаз Сафинга үлгәннән соң Россия Герое исеме бирелде
- Россия Герое Алмаз Сафинны җирләү көне билгеле