Саба районы командасы креатив чаналар фестивалендә җиңде
11 гыйнварда Мамадыш үзәгендә республика күләмендә «SunnyФЕСТ» креатив чаналар фестивале узды. Бәйгенең төп шарты буенча һәр команда креатив чана әзерләп килергә тиеш иде.
Шулай ук фестивальдә катнашучылар иҗат һәм хезмәт җимешләрен презентацияләде, аннары чаналарына утырып боз тавыннан төште. Бу хакта «Саба таңнары» сайтында хәбәр ителә.
«Саба яшьләренең «Дрим тим» командасы «Докатились» номинациясендә җиңү яулады. Котлыйбыз!», диелгән хәбәрдә.