Казанда V Халыкара “Җәлил укулары” әдәби бәйгесенең гала-концерты узачак
2023 елның 17 февралендә «Сәйдәш» мәдәният үзәгендә V Халыкара «Җәлил укулары» әдәби бәйгесенең гала-концерты уза. Бу хакта Бөтендөнья татар конгрессы матбугат хезмәте хәбәр итә.
2022 елның 15 октябреннән V Халыкара «Җәлил укулары» әдәби бәйгесенә старт бирелде. Чара Бөтендөнья татар конгрессы, Татарстан Республикасы Мәдәният министрлыгы, Мәгариф һәм фән министрлыгы белән берлектә Татарстан Республикасының «Татар халкының милли үзенчәлеген саклау 2020 – 2023 еллар» дәүләт программасы кысаларында гамәлгә ашырыла.
2022 елның 15 ноябренә кадәр Россия Федерациясенең 38 төбәгеннән һәм чит илләрдән (Әзербәйҗан, Беларусь Республикасы, Болгария, Кыргызстан, Казахстан, Үзбәкстан) Халыкара «Җәлил укулары» әдәби бәйгесенә 40 меңнән артык гариза кабул ителде. Быел шигырьләр 23 телдә яңгырады. Беренче тапкыр чечен, серб һәм япон телләрендә эшләр каралды.
Бәйгенең II этабы тәмамлану нәтиҗәсендә финалга 836 катнашучы узды. Агымдагы елның 26 декабрендә жюри карары нигезендә бәйгенең җиңүчеләре билгеләнде – 115 кеше, диелә хәбәрдә.