Татарстанда тагын 147 кеше коронавирус инфекциясе йоктырган
Стопкоронавирус.рф порталы хәбәр иткәнчә, узган тәүлектә Татарстанда коронавирус инфекциясенең 147 яңа очрагы ачыкланган. 66 пациент хастаханәгә озатылган.
Пандемия башланганнан алып республикада коронавирус инфекциясенең 197 460 очрагы теркәлгән, 193 547 кеше (шуларның 173е – узган тәүлектә) терелгән.
Коронавирустан вафат булучылар саны инде бер айдан артык үзгәрми, бүгенге көндә ул 2010 кеше тәшкил итә.