Түбән Кама укучылары кунаклар өчен татар телендә экскурсия үткәрде
Түбән Кама шәһәрендә туган телләрне укыту буенча семинар узды. Аны «Адымнар» күптелле белем бирү комплексы базасында оештырдылар. Укучылар өч телдә үткәрелгән ачык дәресләрдә катнашты һәм мөстәкыйль рәвештә мәктәп буйлап экскурсия үткәрделәр.
«Туган як» сайтында хәбәр ителгәнчә, чарада бөтен республиканың «Адымнар» комплекслары укытучылары, шулай ук Башкортстан укытучылары катнашты. Алар өчен нәтиҗәле укыту техникасы турында мастер-класслар оештырылды.