Башкортстанның Баймак шәһәре башлыгы махсус операция зонасында улы белән очрашкан
Баймак шәһәре башлыгы Радмир Исәнбаев махсус хәрби операция зонасында улы белән очрашкан. Бу хакта «Башинформ» сайтына сылтама белән «Балтач таңнары» хәбәр итә.
Туган яклардан хәрби операциядә хезмәттәгеләргә ике «УАЗ» һәм «Газель» машиналары, исемле посылкалар, генераторлар, запчастьләр, палаткалар, азык-төлек һәм җылы киемнәр алып барып тапшыралар. Гуманитар ярдәм илтә баргач, 26 февраль көнне Радмир Исәнбаев анда улы белән дә очраша.
«Иң мөһиме, улымны күрә алдым. Бер сәгать чамасы бергә булдык. Күптән көтелгән, әмма бик кыска очрашу булды», — ди Радмир Исәнбаев.
Фото: © Радмир Исәнбаевның «ВКонтакте»дагы битеннән
Баймак шәһәр башлыгының улы Азамат нефть техник университетын тәмамлаган, соңыннан Уфада эшләгән. Исәнбаевларга повестка ике ай күрешмәгәннән соң, уллары хәл белешергә кунакка кайткач килгән. Сентябрь ахырында аны хәрби укуларга озаткан булганнар.
Фото: © Радмир Исәнбаевның «Вконтакте»дагы битеннән