Уфада Башкортстанның халык артисты, режиссер Азат Надыргулов вафат булган
Уфада Башкортстанның халык артисты, режиссер, педагог Азат Надыргулов вафат булган. Аңа быел 61 яшь туласы булган. Бу хакта «Башинформ» хәбәр итә.
Хушлашу мәрасиме бүген Мостай Кәрим исемендәге Милли яшьләр театрында узачак.
Азат Надыргулов 1997 елдан 2000 елга кадәр Мәҗит Гафури исемендәге Башкорт дәүләт академия драма театрының сәнгать җитәкчесе була. 1993-1997 елларда Яшь тамашачылар театрының сәнгать җитәкчесе була. Күп еллар эшчәнлеге дәвамында төрле театрларда бик күп спектакльләр әзерли.