Мәрьям Солтанова исемендәге клубта татар дастанын көйләп укуга багышланган очрашу була
16 мартта Мәрьям Солтанова исемендәге клубта чираттагы очрашу була. Бу турыда Бөтендөнья татар конгрессы хәбәр итте.
Очрашуның темасы – «Татар дастаннары: көйләп уку традициясе».
Россиянең атказанган, Башкортстан һәм Татарстан республикаларының халык артисты, Башкортстанның Салават Юлаев исемендәге, Татарстанның Тукай исемендәге Дәүләт премияләре лауреаты, Уфа дәүләт сәнгать институтының вокал сәнгате кафедрасы профессоры Идрис Газиев очрашуның спикеры була, диелә хәбәрдә.
Очрашу урыны: Карл Маркс урамы, 3, Бөтендөнья татар конгрессы вәкиллеге.
Чара 18.00 сәгатьтә башлана.