Чувашиянең Шыгырдан авылы мәчетендә шәкертләр арасында ислам нигезләре буенча бәйге булды
Чувашиянең Шыгырдан авылындагы мәчеттә бәйге үтте. Анда мәчет каршындагы курслар шәкертләре катнашты. Бәйгедә шәкертләр ислам нигезләрен белүдә көч сынашты. Яшь конкурсантлар белән бергә балаларына ярдәм итәргә һәм викторинада катнашырга аларның әти-әниләре дә килде. Россия мөселманнары Дини җыены Үзәкләштерелгән дини оешмасы шул турыда хәбәр итә.
Илгиз хәзрәт Такиуллин барысын да сәламләде, изге Коръән аятьләрен укыды һәм дога кылды. Шулай ук сәламләү сүзе белән мәхәллә мөгаллимәсе Гүзәлия Хафизова чыгыш ясады.
Яшь шәкертләр конкурс бурычларын уңышлы хәл итте, барлык катнашучылар өчен файдалы бүләкләр әзерләнде.
Мөгаллимә Гүзәлия Хафизовага авыл халкының рухи-әхлакый тәрбиясенә керткән өлеше өчен Чувашия Республикасы мөселманнары Диния нәзарәтенең Рәхмәт хаты тапшырылды, диелә хәбәрдә.