Путин сәнәгать ипотекасының вакытын 15 елга кадәр озайтырга тәкъдим итте
Россия Президенты Владимир Путин Хөкүмәткә сәнәгать ипотекасы буенча ташламалы кредитлау срогын 7 елдан 15 елга кадәр озайту идеясен карарга тәкъдим итте. Бу хакта RT хәбәр итә.
Искәртеп узабыз, 2022 елда узган Петербург халыкара икътисади форумының пленар утырышында дәүләт башлыгы илдә бизнеска ярдәм итү өчен яңа ташламалы программа кертергә тәкъдим иткән иде. Ул билгеләп үткәнчә, озак сроклы ташламалы кредитлардан производство булдыру өчен әзер мәйданчыклар сатып алырга ниятләгән компанияләр файдалана алачак.
Программа 2022 елның сентябрендә старт алды. 2023 ел башында Путин аны киңәйтергә кушты. Аның ярдәмендә бизнес производствода кирәкле күчемсез милек төзү өчен сәнәгать ипотекасы алу мөмкинлегенә ия булачак.