Татарстанда коронавирус инфекциясен йоктыручылар саны кабат арта башлады
Стопкоронавирус.рф порталында хәбәр ителгәнчә, узган тәүлектә Татарстанда коронавирус инфекциясенең 195 очрагы расланган, бу кичәгедән 14 очракка күбрәк.
22 пациент хастаханәгә озатылган, 219 кеше терелгән. Шул рәвешле, пандемия башланганнан алып республикада коронавирус инфекциясенең 201 301 очрагы теркәлгән, 198 меңнән артык кеше савыккан. Коронавирустан вафат булучылар саны үзгәрешсез калган, бүгенге көндә ул 2010 кеше тәшкил итә.