Татарстан елгаларында боз эрү сәбәпле су күтәрелүен дәвам итә
Татарстан елгаларында суның биеклеге күтәрелүен дәвам итә. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Узган тәүлектә суның биеклеге 15тән 98 сантиметрга кадәр күтәрелгән. Чүти авылы янында, Гөбенә елгасы ярларыннан ташып чыгып, болынны 111 сантиметр тирәнлектә су баскан.
Тулаем алганда, суның биеклеге әле куркыныч күрсәткечтән түбәнрәк.