«Ак Барс» хоккейчылары, Владивостокта җиңеп, плей-оффның өченче этабына үтте
Бүген «Ак Барс» хоккейчылары «Адмирал»ны 1:3 исәбенә отты һәм плей-оффның өченче этабына үтте. Казан командасы Гагарин кубогы өчен көрәшне дәвам итә.
Уен Владивостокның «Фетисов Арена» боз сараенда узды.
- Казанның «Ак Барс» командасы Владивостокның «Адмирал»ы белән плей-оффның икенче этабында дүрт җиңүгә кадәр көрәште. «Адмирал» ике уенда җиңгән иде. «Ак Барс» бүген дүртенче уенда җиңде. Моңа хәтле беренче этапта «Ак Барс» Түбән Каманың «Нефтехимик» хоккейчыларын, ә «Адмирал» Уфаның «Салават Юлаев»ын җиңеп алга үткән иде.
Беренче период. Өченче минутта «Ак Барс» һөҗүмчесе Илья Сафонов исәпне ачты (0:1). Сигезенче минутта Никита Дыняк «Адмирал» капкасына тагын бер гол кертте (0:2).
Икенче период. Өченче минутта Никита Дыняк, икенче алкасын кертеп, дубль ясады (0:3). Алтынчы минутта «Адмирал» һөҗүмчесе Николай Чебыкин гол кертте (1:3).
Өченче период голларсыз үтте.
Командалар составы:
«Адмирал»
- Серебряков (Хомченко);
- Емец – Криштоф – Червены, Шулак – Уильямс;
- Горшков – Берлёв – Чебыкин, Паутов – Лисовец;
- Фәйзуллин – Грачёв – Гәрәев, Метальников – Орехов;
- Гутик – Шэн – Шевченко (Корбит).
«Ак Барс»
- Билалов (Мифтахов);
- Воронков – Сафонов – Радулов, Юдин – Лучевников;
- Кагарлицкий – Шипачёв – Петров, Адамчук – Лямкин;
- Галиев – Семёнов – Панюков, Токранов – Журавлёв;
- Лукоянов – Галимов – Дыняк (Терехов) Евсеев.
Алга таба «Ак Барс» Омск шәһәренең «Авангард» командасына каршы уйнаячак.