Алабугада хоккей буенча район башлыгы Кубогын яулаучы билгеле
Алабуга районы башлыгы кубогына хоккей буенча турнир җиңүчесе ачыкланды. Уеннар ике көн дәвамында барды. Кырыс көрәш барышында «Алабуга — 1000» командасы җиңү яулады. Бу турыда «Алабуга нуры» хәбәр итә.
Җиңүче команда капитаны Роман Жужгов билгеләп үткәнчә, көндәшләрне җиңү җиңел булмаган.
Катнашучыларны район башлыгы Рөстәм Нуриев котлады. Җиңүчеләргә кубок, медаль һәм акчалата бүләк, ә иң көчле өчлеккә керә алмаганнар истәлекле дипломнар тапшырылды.