Димитровградта «Рамазан Кубогы» дигән көрәш фестивале узачак
Бөтендөнья татар конгрессы «Борец» көрәш клубы белән берлектә «Рамазан Кубогы» көрәш фестивале оештыра. Анда татар яшьләре катнашачак. Бөтендөнья татар конгрессы сайты шул турыда яза.
Чара 1 апрельдә Ульяновск өлкәсенең Димитровград шәһәрендә узачак. Турнирны Димитровград җәмигъ мәчетенең имам-хатыйбы Ильяс хәзрәт Мөхетдинов дога кылып ачып җибәрәчәк.
Фестиваль Киокусинкай, Бокс, Тай бокс, Греплинг көрәше буенча ярышлар кагыйдәләренә яраштырылып үткәрелә. Барлыгы 4 төр программа булачак. 18 комплект бүләк уйнатыла, һәр комплектта 3 урын билгеләнәчәк, диелә хәбәрдә.