Казан дәүләт архитектура-төзелеш университетында полилингваль төркем ачыла
Быел уку елыннан башлап Казан дәүләт архитектура-төзелеш университетында полилингваль төркем ачылачак.
«Анда студентлар татар, рус телләрендә укый алачак. Бигрәк тә университет татар мәктәпләрен тәмамлаган балаларны көтеп алабыз», дип хәбәр итә уку йортының матбугат үзәге.
Студентлар өчен полилингваль төркемдә уку түләүсез булачак.
- Казан дәүләт архитектура-төзелеш университетында татар төркеме 1991 елда ачылган иде, соңгы төркем 2022 елда чыгарылды.