Түбән Кама предприятиесендә төнге экскурсия Яшьләр көненә багышланды
![Түбән Кама предприятиесендә төнге экскурсия Яшьләр көненә багышланды](https://tatar-inform.tatar/images/uploads/news/2023/6/21/ba65e52bb919b629589d1d1e5e4fdd51.jpg)
СИБУРның Түбән Кама предприятиесендә «Нефтехимда төн» дигән экскурсия узды. Ул Яшьләр көненә багышланган иде. Бу хакта Түбән Кама муниципаль районы рәсми сайтында хәбәр ителә.
Төнлә «Түбән Кама Нефтехим» эшчәнлеге белән танышу өченче ел рәттән бара. Кунаклар өзлексез җитештерү процессын күрә алды, шулай ук белгечләр аларның сорауларына җаваплар бирде.
Бу юлы гадәти булмаган экскурсиядә ике дистәдән артык кеше катнашты. Алар арасында сәнәгать предприятиеләре һәм иҗади һөнәр вәкилләре, мәгариф хезмәткәрләре, шулай ук хезмәт күрсәтү өлкәләре, эшмәкәрләр, студентлар бар иде. Җитештерү атмосферасы белән танышучылар арасында Түбән Кама халкы гына түгел, күрше Чаллы халкы да бар иде. Күзәтү сәфәре яңа экологик автобуста узды. Ул табигый газ белән эшли. Мондый 108 автобус предприятие хезмәткәрләрен эшкә йөртә.
Әгәр производствода факел яна икән, димәк, предприятие штат режимында эшли: ул кешеләрнең тормышына һәм сәламәтлегенә бернинди куркыныч тудырмый, ди белгечләр.
«Түбән Кама һәм Чаллы халкы «Түбән Кама Нефтехим» эше белән кызыксынуы бик яхшы. Бу кешеләрнең сәнәгать эшенә катнашы барлыгын күрсәтә. Безгә кире элемтә, шәһәр кешеләреннән фикерләр алу мөһим. Кире элемтә буенча Түбән Кама предприятиесе СИБУРның эшчәнлеген уңай кабул итү турында сөйләве шатлыклы», – дип билгеләп үтте «Түбән Кама Нефтехим»ның өлкән энергоменеджеры Ильяс Мисбахов.