Казан Кремлендә «Мактанчык әтәч» курчак спектаклен күрсәтәчәкләр
Фото: © «Казан Кремле» музей-тыюлыгы
Казан Кремленең Гавәми урыннарында «Мактанчык әтәч» курчак спектаклен күрсәтәчәкләр. «Әкият» театрының музыкаль постановкасын бушлай карарга мөмкин булачак.
Спектакль бер сәгать дәвам итә, аны татар телендә күрсәтәчәкләр.
Спектакль 24 июньдә 18:00 сәгатьтә Гавәми урыннар ишегалдында куелачак. Яңгыр яуган очракта спектакльне дүртенче подъезд бинасында күрсәтәчәкләр, дип хәбәр иттеләр «Казан Кремле» музей-тыюлыгының матбугат хезмәтендә.