Казанда күпкатлы йорттан янгын аркасында 15 кешене эвакуацияләгәннәр
Казанның Чехов урамындагы күпкатлы йортта янгын чыккан. Бу хакта «Татар-информ»га Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
14 катлы бинаның өченче катындагы фатир янган.
Ут белән көрәшүчеләр килгәнче үк, йорттан 15 кеше чыккан. Янгын оператив рәвештә сүндерелгән, зыян күрүчеләр турында мәгълүмат юк.
Белгечләр янгынның сәбәбен ачыклый.