Татарстанда кирпеч заводында кыз имгәнгәннән соң җинаять эше кузгатылган
Татарстанда хезмәтне саклау таләпләрен бозу турында җинаять эше кузгатылган. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.
17 июльдә Түбән Ушма авылында кирпеч заводы территориясендә 17 яшьлек кыз имгәнгән.
Тикшерү ачыклаганча, кыз кирпеч салган һәм шул вакытта конвейер белән җәрәхәтләнгән. Ул каты имгәнгән һәм хастаханәгә озатылган.
Бу хәл килеп чыгу сәбәпләрен ачыклау буенча тикшерү эшләре бара.