Дәүләт Думасы мәктәп укучыларына хезмәт тәрбиясе бирү турындагы законны кабул итте
Дәүләт Думасы «Мәгариф турында»гы законга мәктәп укучыларына хезмәт тәрбиясе бирү принципларын кертә, көмеш медальләрне кире кайтара һәм тормыш иминлеге нигезләре предметының яңа атамасын билгели торган төзәтмәләрне кабул итте. Бу хакта РИА Новости агентлыгы хәбәр итә.
Закон «тәрбия» төшенчәсен киңәйтә һәм анда әлеге эшчәнлекнең шул исәптән укучыларда хезмәт сөючәнлек, хезмәткә һәм аның нәтиҗәләренә карата җаваплы мөнәсәбәт формалаштыруга юнәлдерелүе турында күрсәтмә дә бар. Әйтик, укучыларның, яшь һәм психофизик үзенчәлекләрне исәпкә алып, белем бирү программасында каралган җәмгыятькә файдалы хезмәттә катнашуы мәҗбүри булачак.
Дәүләт Думасы спикеры Вячеслав Володин билгеләп үткәнчә, хәзерге вакытта закон укучыларга педагогка ярдәм итүне яки сыйныф бүлмәсен җыештыруны тыя.
Моннан тыш, закон үз көченә кергәннән соң мәктәпкә II дәрәҗә «Укуда зур уңышлары өчен» медале кире кайтачак. Көмеш медаль алу өчен йомгаклау билгеләре арасында «4»леләр икедән дә артык булмаска, калганнары «5»ле булырга тиеш.
Тормыш иминлеге нигезләре предметының атамасы «Иминлек нигезләре һәм Туган илне саклау» дип үзгәртеләчәк.