«Мөһим мәсьәлә турында сөйләшү»гә махсус операциядә катнашучыларны да җәлеп итмәкчеләр
Махсус хәрби операция ветераннарын һәм анда катнашучыларны мәктәпләрдә уза торган «Мөһим мәсьәлә турында сөйләшү» дәресләренә чакырырга кирәк. Россия мәгариф министрының беренче урынбасары Александр Бугаев (ул хәзерге вакытта министр вазифасын башкара) шулай дип белдерде. Бу хакта ТАСС агентлыгы хәбәр итә.
«Әлеге тәҗрибәне, җиңүчеләр буыны байрагын хәзерге вакытта эләктереп алулары безнең өчен бик тә мөһим», - диде ул махсус хәрби операция ветераннарының «Гаделлек. Кайгырту. Хөрмәт» дип аталган форумында ясаган чыгышында.
Бугаев «Мөһим мәсьәлә турында сөйләшү»нең мәктәпләрдә һәр дүшәмбедә үткәрелүен искәртте.
Форум Россия Президенты Владимир Путин указы белән төзелгән «Ватанны саклаучылар» фонды тарафыннан оештырылган.