Әлмәттә велосипедта бөтенроссия ярышлары вакытында юллар ябыла
23 июльдә Әлмәт шәһәрендә «Тур де Татарстан Әлмәт-2023» шосседа велоузышлар буенча бөтенроссия ярышлары уза. Бу хакта «Әлмәт таңнары» хәбәр итә.
Ярышлар маршруты Шевченко урамы буенча, Р.Фәхретдин урамы боҗрасыннан Әлмәт - Колшәрип боҗрасына кадәр, Р – 239 трассасы буенча Әлмәт-Миңнебай боҗрасына кадәр һәм кирегә узачак. Юл 6.00 сәгатьтән 13.00 сәгатькә кадәр ябык була.
Велосипедта узышу маршрутын урап узуның вакытлыча билгеләре куела. Велосипедта узышу маршруты буенча ишегалларыннан чыгу урыннары һәм юл чатлары җиңел автомобильләр һәм йөк автотранспорты белән ябыла.