Быел Илдар Абдразаков фестивале беренче тапкыр Санкт-Петербургта ачыла
Быел Илдар Абдразаковның VI Халыкара музыка фестивале беренче тапкыр Санкт-Петербургта ачыла. Тантаналы гала-концерт 25 сентябрьдә Мариин театрының яңа сәхнәсендә (Мариинский-2) узачак, дип хәбәр итә «Башинформ».
Илдар Абдразаков фонды хәбәр иткәнчә, кичә программасында рус һәм чит ил композиторларының арияләре һәм дуэтлары бар. Аларны фестивальнең сәнгать җитәкчесе – дөньяның иң матур бассы Илдар Абдразаков һәм безнең заманның күренекле тенорларының берсе – Мексика солисты Рамон Варгас башкара.
Гала-концертта шулай ук Мариин театрының опера солистлары һәм Мариин театрының симфоник оркестры катнашачак.
Исегезгә төшерәбез, Илдар Абдразаковның беренче Халыкара музыка фестивале 2018 елда Уфада ачылды һәм аның иҗади эшчәнлегенең 20 еллыгына багышланды.