Түбән Камада бер атнада 60 бала туган
Түбән Кама перинаталь үзәгендә узган атнада 60 бала туган. Шуларның унбере башка шәһәрнекеләр. Бу хакта «Туган як» сайты шәһәр балалар хастаханәсенең матбугат хезмәтенә сылтама белән хәбәр итә.
Моннан тыш, хатын-кызлар консультациясендә 1,2 меңнән артык йөкле хатын-кыз исәптә тора. Яңа туган һәм вакытыннан алда туган балалар патологиясе бүлегендә 21 бала һәм 15 әни дәвалана. Бер атна эчендә Перинаталь үзәкнең кабул итү бүлмәсенә 91 мөрәҗәгать килгән.