Казанда Ак мәчетне төзекләндерә башладылар
Казанның Мехчылар урамында Ак мәчетне реставрацияли башладылар. Бинаның тарихи кыяфәтен торгызу һәм дүрт катлы манара урнаштыру планлаштырыла. Концепцияне Татарстан Республикасы Мәдәни мирас объектларын саклау комитеты эшләгән. Казан мэриясе сайты шул турыда яза.
Совет чорында мәчеттә манара сүтелә, төрле елларда бина мәктәп, тире фабрикасы цехы, завод клубы буларак кулланылган, дип белдерделәр Казанның Вахитов һәм Идел буе районнары администрациясенең матбугат хезмәтендә.
- Ак мәчет – Яңа Татар бистәсендәге иң борынгы мәчет. Ул Мехчылар һәм Кызыл Татарстан урамнары киселешендә урнашкан.