Татарстанда кабат коры һәм эссе һава торышы көтелә
10 августта Татарстан территориясендә аз болытлы һәм коры һава торышы көтелә. Бу хакта ТР Гидрометеорология үзәге хәбәр итә.
Синоптиклар фаразлавы буенча, төньяк, төньяк-көнчыгыштан искән җилнең тизлеге секундына 4 - 9 метр, көндез урыны белән 13 метрга кадәр җитәргә мөмкин.
Төнлә һава температурасы 13-18 градус тәшкил итәчәк, көндезге сәгатьләрдә эсселек 28-33 градуска кадәр күтәрелә.