Рөстәм Миңнеханов БДИда 100 балл җыйган укучылар белән очрашудан фотолар күрсәтте
Татарстан Рәисе Рөстәм Миңнеханов Бердәм дәүләт имтиханында ике фәннән 200 балл җыйган, шулай ук олимпиадаларда җиңгән чыгарылыш сыйныф укучылары белән очрашудан фотолар күрсәтте.
«Егетләр һәм кызлар белән горурланабыз! Аларның күбесе алтын медаль яулады һәм химия, информатика, әдәбият буенча дөньяда иң яхшылар дип табылды», - дип язган республика җитәкчесе телеграм-каналында.
Ул сәләтле һәм тырыш балалар тәрбияләгәннәре өчен аларның әти-әниләренә, шулай ук башкарган эшләре өчен укытучыларына рәхмәт белдерде.
ТР мәгариф һәм фән министры Илсур Һадиуллин июль аенда Министрлар Кабинетында узган брифингта хәбәр иткәнчә, Татарстан мәктәпләренең чыгарылыш сыйныф укучылары Бердәм дәүләт имтиханында 196 укучы йөз баллык нәтиҗә күрсәткән: 180 кеше берәр фәннән 100 балл, сигез кеше икешәр предметтан 200 балл җыйган.